O Equipo de Dinamización da Lingua Galega do CEIP A Cristina de Carballo vén de preparar estes modelos de cartas para escribir aos Reis Magos. Velaí van por se as queredes usar. Imprimir e escribir (e pedir con xeito).
Biblioteca do CEIP Terra Chá ··· Seivane, 35. 27841, Román, Vilalba (Lugo). ··· bibliotecaroman@gmail.com
27/12/23
22/12/23
20/12/23
Libro do outono
Xa está agardando por vós na biblioteca o Libro do Outono. Este volume recolle todas as obras elaboradas para o certame de creación literaria e pictórica desta estación do ano que realizamos no colexio.
12/12/23
Un nome para as nosas ovellas (II)
Rematado o tempo de facer propostas e unha vez realizada unha selección previa entre as máis de sesenta recibidas; todas as nenos e nenos, profesorado e persoal non docente do colexio están chamados ás urnas para escoller o nome das nosas ovellas.
Podedes vir votar nos recreos dende mañá ata o vindeiro día 21. Non faltedes!
.jpg)
04/12/23
Un nome para as nosas ovellas
Como todo o colexio, a comunidade educativa e parte da parroquia abofé que xa sabe; á Granxa dos Pequechás do colexio de Román chegaron dúas ovellas de raza galega.
E a vós parécevos ter a estes dous animaliños sen un nome? Correde á biblioteca facer as vosas propostas.
Entre todas as proposicións recibidas faremos unha selección para poder votar cales son os dous nomes gañadores e "bautizar" as nosas novas amigas.
Nin ti, nin eu somos máis
O 25-N é unha data importante do calendario que nos lembra que aínda a día de hoxe hai mulleres que sofren violencia polo simple feito de ser tal. As actividades desenvoltas no centro foron diversas e moitas delas pasaron por Biblioromán.
O alumnado de cuarto de primaria traballou co "iceberg da violencia de xénero" descubrindo como os terribles asasinatos non son a única forma de violencia que soportan as mulleres na nosa sociedade. Os voluntarios da biblioteca colaboraron na confección do mural da entrada de Biblioroman e todo o alumnado do centro participou no acto institucional proposto polo Concello de Vilalba, aprendeu a canción "O soño violeta" dos Piñeiriños e decorou e achegou a súa pluma a esas ás marabillosas que moitas persoas necesitan para fuxir da súa situación vital.
.jpg)
29/11/23
28/11/23
Investigar, criar e cultivar
Hai semanas nas que o ritmo no colexio é frenético e non sempre podemos dar conta de todas as cousas que imos facendo. Nos vindeiros días, tentaremos deixar constancia dalgunhas actividades relacionadas coa biblioteca e co noso proxecto "A granxa dos Pequechás" que fomos desenvolvendo nas últimas xornadas.
Hoxe queremos informar sobre o noso invernadoiro. Como ben sabedes foi instalado no curso pasado dentro do proxecto "A horta dos Pequechás" pero este curso segue plenamente activo, enchéndose de novo de cultivos diversos e aproveitándose de todo o aprendido no ano anterior. Así mesmo, seguimos atendendo o noso galiñeiro, criando novos pitiños coa axuda de Avimos e temos xa todo preparado para recibir a nova inquilina da nosa "granxa": unha ovella de raza galega.
.jpg)
Dende o almacén de Gemma e José Luis chegaron ao centro repolos, leitugas, allos, porros e chícharos que habían compartir espazo cuns tomates cherris ventureiros que fóra de época queren loitar contra o inverno chairego (xa veremos que é deles). Antes de nos poñer mans á obra, pasamos por Biblioromán para aprender algunhas cousas sobre o cultivo destas plantas e despois -cheos de saber e de ganas- procedemos ao transplante, cada curso na parcela que ten asignada e que deberá coidar e regar durante todo o ano.
.jpg)
.jpg)
21/11/23
Xornada bibliotecas escolares de Galicia 2023
O pasado sábado día 18 celebrouse a Xornada de Bibliotecas escolares de Galicia deste ano. Ata alí desprazáronse docentes do CEIP Terra Chá para coñecer outras experiencias e realidades no eido das bibliotecas escolares e continuar traballando para que biblioroman siga medrando.
20/11/23
Vinte de novembro
Día Universal da Infancia. O mural da biblioteca lémbranos que as nenas e os nenos, polo feito de selo, teñen dereitos!!!
17/11/23
Chegou…
…Anxo Moure coma un trebón a biblioRomán. El viña falarnos de reciclaxe e falounos, e aprendeunos a facer corazóns reciclados coas malas novas das guerras do xornal, pero tamén nos falou de paz, de respecto, de alegría, de bosques e carballos… un furacán de palabras e coñecemento.
E como agasallo final, asinounos un seu libro que tiñamos na biblioteca.
13/11/23
momentos02
A chuvia foi hoxe a nosa aliada e encheu de vida a biblioteca durante o recreo.
Novidades
O andel de novidades estase enchendo de propostas diversas que xa agardan por vós en Biblioromán.
12/11/23
06/11/23
Visita á Casa Grande de Xanceda
05/11/23
Tempo de outono. Tempo de contos (II)
O venres foi un día de actividade frenética en Biblioromán. Ademais da visita de Juana Caridad, da que xa vos falamos, coñecemos as persoas gañadoras do Concurso de contos e debuxos do Outono e despedimos as mochilas que van emprender unha viaxe fantástica que vai encher as vosas casas de libros: de diversión e coñecemento.
Parabéns aos premiados, grazas a todos por participar e agardamos os vosos vídeos (cando vos chegue a mochila, saberedes de que estamos a falar).
04/11/23
“Lo que viene, conviene”
Hai un dito cubano que reza Lo que viene, conviene. Non sabemos se isto é aplicable a todas as situacións pero, dende logo, si o é para o que aconteceu onte na biblioteca.
Da man da ANPA e de Clara, chegou ao noso centro Juana Caridad. Emigrante cubana, filla dun emigrante galego, que nos falou da realidade da illa: da parte fea (o bloqueo, a escaseza de alimentos e outras dificuldades que sofre a poboación no día a día), e da parte bonita (da súas xentes, do seu carácter, da bela Habana vieja e da estreita relación que xungue -por obra e graza da emigración- Galicia e Cuba).
Rematou Juana a súa intervención confesándonos que nunca esquecería a visita á nosa escola e agasallounos cun seu libro que fala, precisamente, desta fraternidade cubano-galega. Se queredes saber un pouquiño máis dos pormenores desta irmandade, recomendámosvos que vexades este fermoso vídeo:
30/10/23
.png)
.jpg)
25/10/23
Da granxa dos Pequechás á granxa dos Salvatierra
Esta mañá, un grupo de intrépidos aprendices de granxeiro desprazáronse ata Neipín, no corazón da Serra da Meira, para coñecer a Alejandro Salvatierra e a súa familia; quen nos amosaron a súa explotación, o seu xeito de entender a gandería e, en xeral, a vida. O orballo impenitente que nos acompañou todo o día non foi óbice para que nos adentrasemos monte arriba para ver as súas vacas, ovellas, cabras, cabalos e demais animais que conforman esta gandería en extensivo e para aprender moito sobre o manexo do gando e dos pastos permanentes, da súa importancia ecolóxica e económica e da súa contribución fundamental á loita contra os lumes.
Moitas grazas a Álex, a Ana e a Víctor pola acollida (e tamén pola lambeta) e á ANPA e á Deputación de Lugo por facelo posible.
24/10/23
Día das bibliotecas
18/10/23
Contacontos, obradoiro, charla e algo máis
Empezamos coas actividades relacionadas co Samaín.
%20(2).jpg) |
| O alumnado de Infantil segue atentamente o conto "O disfrace da loba". |
 |
| Os pequenos de Primaria no obradoiro de caretas. |
 | |||||||
| Os maiores nunha charla sobre como realizar un consumo responsable tamén nesta festa. |
 |
| Nenas e nenos de primeiro e segundo creando monstruíños para decorar os corredores do colexio. |
17/10/23
Tempo do outono. Tempo de contos
O verán rematou, as colleitas van quedando xa gardadas nos hórreos ou nos silos, os días minguan, a noite medra e os galegos ímonos metendo na casa. É este tempo, como moitos outros, e do mesmo xeito que o foi para os nosos antergos, propicio para botar a imaxinación a voar, e contar. Contar como contaban os avós (e as avoas) esfollando no millo ou comendo unhas castañas a carón da lareira.
Co obxectivo de traballar a expresión e a comprensión escrita, os hábitos de escoita e respecto polo traballo e opinión das demais persoas, así como as habilidades lectoras e o gusto pola lectura; proponse a seguinte actividade.
Os nenos e as nenas deberán elaborar na aula contos ou debuxos relacionados co tempo de outono, o Samaín ou -en xeral- "historias de medo". Tamén podería ser interesante que incluísen como temática complementaria a granxa, a horta, ou algún animal doméstico... (en liña co proxecto da biblioteca deste curso: A granxa dos Pequechás). As historias deben ser de autoría propia. Espremede os miolos e sede creativos!
As mellores obras de cada curso recibirán un premio e todos un pequeno agasallo por participares. Así mesmo, todos os contos e debuxos farán parte dun Libro do outono que pasará a engrosar os fondos da biblioteca da Escola.
Outono
Xa chegou o outono, a Román e á biblioteca. No noso catálogo temos moitos libros sobre esta época do ano, os seus costumes e as súas festas. Vide! Vide! Non os perdades!
16/10/23
Hora de ler
As persoas colaboradoras da biblioteca encheron as aulas de libros para compartir na Hora de ler ou en calquera outro momento. Todos os momentos son bos para a lectura. Que vos aproveite!
13/10/23
Visita a Tropic Gaia
O pasado día 11, o alumnado de segundo, terceiro e cuarto de Primaria desprazámonos deica Morás (no concello de Xove) para coñecer Tropic Gaia da man de Andrea González. Contounos que hai moitos anos seu pai plantara por afección varios pés de kiwi e que a produción fora inmensa, inundando desta froita (naquel tempo moi éxotica) toda a parroquia, feito que lle valeu o sobrenome do "tolo dos kiwis", nunha época na que aquela planta era totalmente descoñecida por estas latitudes.
Explicounos tamén como o seu paso por varias cidades para realizar os seus estudos levouna ao convencemento de querer vivir nunha aldea, feito que a empurrou de volta á casa coa intención de emprender unha actividade no eido da produción de alimentos. Co obxectivo de poder facerse un oco nun mercado xa daquela complicado pensou en atopar un produto no que non houbese competencia: aí apareceu na súa vida a pitaia, a froita do dragón, e ela converteuse na "tola das pitaias".
Na nosa visita aprendemos moitas cousas sobre o seu cultivo, as necesidades da planta, o proceso de polinizado manual e individual de cada unha das flores e ata puidemos colleitar algunha e degustalas xunta doutras froitas exquisitas que cultivan na mesma explotación: fisalis e amorodos.
Como colofón á visita trouxemos canda nós un libro dos Bolechas, no que se conta a historia de Andrea e doutros produtores ecolóxicos da provincia, e unha planta de pitaia para cada un.
Grazas á Andrea pola súa paciencia e hospitalidade, e á ANPA e á Deputación por facer posible esta saída tan interesante para o proxecto deste ano.
10/10/23
momentos01
%20(pixelada).png){kind=tracking}
Colexio de Román, tempo de lecer, mañá de outono excesivamente calorosa. Íker le sobre os animais da granxa, Antía e Iván danlle ao xadrez baixo a atenta mirada de Asier e Naevia comparte un conto con dúas compañeiras de Infantil. Facendo biblioteca. Facendo colexio. Facendo comunidade.
09/10/23
Reapertura da biblioteca
Animádevos a vir! Todos os recreos, na Biblioteca da escola, podedes atopar libros, revistas, música, películas, xogos e un sinfín de diversión e coñecemento. Para saber: andar ou ler.
Vídeo: Biblioromán Música: Milladoiro.
08/05/23
VISITA AQUARIUM CORUÑA E VIAXE EN TREN.
O alumnado de infantil e de 1,2,3 primaria descubriron no aquarium de Coruña a infinidade de peixes que hai, da man duns monitores os cales lles resolveron todas as dubidas.
Despois colleron un tren hacia Santiago onde pudieron descubrir as posibilidades deste medio de transporte.
Subscribirse a:
Publicacións (Atom)