Visita á Casa Grande de Xanceda

Seguimos teimando no colexio de Román en saír da escola e achegarnos a outras realidades, máis próximas ou máis afastadas, apostando por un xeito de aprendizaxe que vai máis alá de aprender exclusivamente nos libros. Dicían as nosas avoas que para aprender: andar ou ler. Na liña do noso proxecto deste ano ("A granxa dos Pequechás", que dá continuidade ao do ano pasado: "A horta dos Pequechás"), os pasados luns e martes desprazámonos ata o concello de Mesía para coñecer o proxecto da Casa Grande de Xanceda.