... o último número de Chaira xa está á vosa disposición.
Picade na seguinte ligazón para poder acceder á súa versión dixital. Agardamos que vos preste.
https://cuartoprimariaroman.files.wordpress.com/2024/03/chaira-semana-da-prensa-definitivo.pdf
Biblioteca do CEIP Terra Chá ··· Seivane, 35. 27841, Román, Vilalba (Lugo). ··· bibliotecaroman@gmail.com
22/03/24
21/03/24
Día da poesía
 |
fonte: https://www.juntadeandalucia.es/ |
A UNESCO adoptou o 21 de marzo como Día Mundial da Poesía co obxectivo de apoiar a diversidade lingüística a través da expresión poética e fomentar a visibilización daquelas linguas que se atopan en perigo. Este día conmemora unha das formas máis prezadas da expresión e identidade lingüística da humanidade. A poesía, practicada ao longo da historia en todas as culturas e en todos os continentes, fala da nosa humanidade común e dos nosos valores compartidos, transformando o poema máis simple nun poderoso catalizador do diálogo e a paz. [fonte: https://www.unesco.org/es/days/poetry]
Coa chegada deste día, un grupo de intrépidos alumnos do CEIP Terra Chá ousáronse a recitar fragmentos de distintos poemas recollidos en libros que temos en BiblioRomán.
Bulide á sección 82-P e enchede as vosas almas
de poesía, hoxe e todos os días, e é que –como dicía Gabriel Celaya- "a poesía é unha arma cargada de
futuro".
E non vos esquezades de darlle unha apertiña a un carballo,
que hoxe tamén é o Día da Árbore.
19/03/24
Rosa Parks
A pasada semana, na Hora de Ler e grazas a un dos libros da Maleta Viaxeira, o alumnado de terceiro e cuarto achegouse á incrible historia desta muller.
13/03/24
8 M
Entre a infindade de libros que contén a última Maleta Viaxeira que veu á escola, hai varios que nos foron especialmente útiles para o traballo da conmemoración do Día da Muller da pasada semana e que abofé que nos han valer para seguir afondando na incrible vida de moitas destas mulleres nos vindeiros días.
O marabilloso Pioneiras, de Anaír Rodríguez e Nuria Díaz deunos as chaves e a información para a elaboración dun mural na que participaron todas e todos: a xente miúda, debuxando; os maiores, escribindo.
Falan de nosoutros... (V)
... e da nosa participación no programa "Coñece as túas institucións".
ACTUALIZADO 13/03/24, 22:24: https://galiciaxa.com/2024/03/tcxa/zonas-tcxa/vilalba-tcxa/259825/
12/03/24
Pobo galego
.jpg)
Hoxe tivemos a inmensa sorte de nos achegar a tres institucións do pobo galego: dúas, no eido da política, e unha propia do ámbito cultural. Comezamos o día no Parlamento de Galicia, onde coñecemos a súa historia, o seu funcionamento e as súas funcións e puidemos vagar polos seus corredores ou sentar no hemiciclo como fan os deputados e deputadas, así como aventurarnos na súa biblioteca con máis de 50.000 volumes. Cara ao mediodía, fomos recibidos na Xunta de Galicia pola Directora xeral de Ordenación e Innovación Educativa, Judith Fernández, e alí puidemos saber de primeira man dos entertiños da nosa administración autonómica. E despois de repoñer forzas en Casa Agustín, diriximos os nosos pasos cara ao Museo do Pobo Galego, onde a través dun pequeno xogo fomos facéndonos concientes da importancia da historia, cultura e do inmenso patrimonio etnográfico do noso pobo.
.jpg)
Para quen non nos puido acompañar hoxe no noso paseo pola capital, velaiquí quedan estas fotos e dúas ligazóns para poder facer sendas visitas virtuais ao Parlamento de Galicia e ao Museo do Pobo Galego.
.jpg)
.jpg)
https://www.parlamentodegalicia.es/estaticos/visitavirtual/index.html
08/03/24
A sección de novidades…
… está que rebenta. Este ano o colexio fixo unha importante inversión para seguir anovando o catálogo da biblioteca. Novos volumes superchulos de consulta, narrativa, poesía ou banda deseñada están a agardar por vós en Biblioromán. Non o penses! Ven pola biblio!
06/03/24
05/03/24
04/03/24
A mochila viaxeira de... (03)
... Lucas, de sexto de Primaria.
Lembrade que se, cando a Mochila chegue ás vosas casas, queredes participar nesta actividade, tedes toda a información para facelo na folliña plastificada que vai no medio dos libros. Animádevos a compartir as vosas lecturas!
02/03/24
Sabías que...
... Chaira, o xornal da Escola, viu a luz nos anos 80. Nas vindeiras semanas tentaremos sacar un novo número. Polo de pronto, o alumnado de cuarto xa se botou a analizar prensa xeneralista e revisou números antigos do noso xornal para darlle forma a este proxecto.
Subscribirse a:
Publicacións (Atom)