Biblioteca do CEIP Terra Chá ··· Seivane, 35. 27841, Román, Vilalba (Lugo). ··· bibliotecaroman@gmail.com
25/04/24
20/04/24
Apadriñamentos lectores
Sermos unha escola de aldea e pequena ás veces trae consigo atrancos e problemas, e normas inxustas que nos penalizan ou nos fan de menos; pero tamén implica outras moitas vantaxes e posibilidades. 
Continúa lendo...
Son moitos os centros que organizan actividades formais (e xeniais) para poñer en contacto lectores noveis ou prelectores con lectores máis expertos de cursos superiores. En BiblioRomán non temos que organizar nada, soamente propiciar estes encontros facilitando un espazo axeitado e con libros (a biblio) e un tempo compartido (neste caso, o tempo de lecer) e a "maxia" flúe soa. É rara a semana en que na nosa biblioteca non se produce un apadriñamento lector.
E, por suposto, que vivan as voluntarias de BiblioRomán!
19/04/24
Os mestres van a clase
É habitual que a xente miúda pense que os "maiores" xa o saben todo, que non teñen que aprender ou mesmo que perderon a curiosidade por facelo; e todo isto non é así. Hai un refrán que di: o vello está morrendo e está aprendendo e isto non podía ser máis certo. As persoas adultas tamén necesitamos seguir aprendendo cousas e revisar e poñer en solfa as que xa sabemos e para nós tamén é unha ledicia poder aprender e incorporar novas habilidades e/ou coñecementos.
Esta semana o claustro do CEIP Terra Chá recibiu unha formación sobre imprensión 3D para sermos quen de tirar todo o proveito posible deste tipo de recursos que en pouco tempo teremos tamén no noso centro.
Agradecemos ao CFR de Lugo e a Óscar Maceira un curso que nos vén de abrir unha morea de posibilidades para o traballo na aula.
Quince días...
... estará entre nós a Maleta Viaxeira de Lectura e Diversidade. Bulide que logo pasan!
Continúa lendo...
18/04/24
Fabricando historias
O alumnado de terceiro e cuarto de Primaria tamén tirou proveito da Maleta Viaxeira de Lectura e Diversidade, achegándose á creación de historias tirando do libro Mi pequeña fábrica de cuentos de Bruno Gibert.
¡Oh!
Mirade que traballo máis chulo fixo o alumnado de 5º e 6º sobre o libro ¡Oh!, de Hervé Tullet, que chegou a nós na última maleta viaxeira que recibimos. Por iso en BiblioRoman non hai libros para os maiores e libros para os pequenos... simplemente hai libros.
08/04/24
04/04/24
Unha nova Maleta Viaxeira (IV)…
… chegou a BiblioRomán: Lectura e Diversidade. Tedes quince días para enchouparvos cos seus coñecementos e gozar das súas lecturas e xogos.
Subscribirse a:
Publicacións (Atom)