Biblioteca do CEIP Terra Chá. Román, Vilalba - bibliotecaroman@gmail.com
Hoxe queremos recordarvos que existe unha sección na nosa BIBLIOROMÁN de libros que veñen directiños da Biblioteca Municipal de Vilalba.
Desta forma podemos ofrecervos novas coleccións e temáticas e se son do voso agrado, integralas na nosa colección permanente.
IMPORTANTE: Son de lectura na biblio, non se poden levar para a casa.
Onte celebramos O GRAN DÍA DO LIBRO!
Tivemos a oportunidade de recibir a unha autora que ven de moi pretiño... concretamente da aula de 5º de Infantil a profe SUSANA BARJA.
Recentemente publicou o seu conto Aurora conductora e Dragoncín Cantarín e pasamos unha mañá xenial escoitando a historia e bailando a canción do conto.
Por aquí deixamos algunhas probas do divertido que foi!
Xa está aquí ABRIL e polo tanto o noso recuncho do RETO LECTOR actualízase con libros de HISTORIA.
Xa está aquí MARZO.
E como todos os meses, na BIBLIOROMÁN cambiamos a temática do RETO LECTOR.
Nesta ocasión fixemos a selección de libros con AUTORÍA FEMININA e así loce a nosa estantería.
Xa está aquí FEBREIRO e polo tanto o noso recuncho do RETO LECTOR actualízase con libros de ARTE.
Aproveita para levar algún libro con ideas ou inspiración para esta época de ENTROIDO ou para aprender sobre unha nova temática cada mes.
Dende fai uns días na BIBLIOROMÁN temos un novo recuncho: O HOSPITAL DE LIBROS.
Neste espazo, deixaremos aqueles libros que necesiten pequenos arreglos polo uso habitual ou mal uso dos mesmos.
Xa sabes: se atopas un libro con páxinas rotas, follas soltas, manchas ou tapas estragadas, déixaos no HOSPITAL DE LIBROS para arranxalos o antes posible.
Aproveitando a nosa visita á Biblioteca Municipal de Vilalba inscribímonos no RETO LECTOR 2026 polo que durante estes meses adaptaremos un recuncho da nosa BIBLIOROMÁN para cumplir co reto proposto.
Neste mes de XANEIRO a temática é LIBRO ILUSTRADO.
Pasádevos para selar o voso RETO LECTOR!
Dentro do programa de Nadal 2025 do cole, tivemos unha visita á Biblioteca Pública Municipal de Vilalba. Para moitos dos pequechos era a súa primeira vez e encantoulles.
Este ano, dende a BIBLIOROMÁN impulsamos unha campaña para o DÍA INTERNACIONAL PARA A ELIMINACIÓN DA VIOLENCIA CONTRA AS MULLERES que leva por título "Unha frase,
unha voz".
O pasado día 30 de outubro celebramos por todo o alto o noso querido Samaín. Disfraces, caixas terroríficas, presentacións explicativas dos maiores...
Dende BIBLIOROMAN impulsamos un concurso que daba moito medo. As categorías foron:
- Creación de debuxos de Samaín para o alumnado de E. Infantil.
- Elaboración de contos de medo para o alumnado de E. Primaria.
Aproveitamos a conmemoración para inaugurar a radio do cole e retransmitir os contos dos premiados.
Houbo agasallos para todos.
Pasámolo de medo!
Hoxe foi o Día das Bibliotecas.
Dende BIBLIOROMAN queremos recordarvos que a nosa biblio é moito máis que libros e lectura, é un espazo de aprendizaxe permanente onde hai diversidade de recursos.
Para celebralo, fixemos un mural cos debuxos dos libros favoritos do alumnado de todo o colexio e expuxémolo na entrada da nosa querida biblioteca.
Que vos parece?
.jpg)
Como xa é habitual nos últimos anos, contamos cunha nova temática para o proxecto anual que desenvolverá todo o centro.
Dende os máis pequeniños aos máis maiores traballaremos sobre...
ANTIGAS CIVILIZACIÓNS!
Iniciamos un novo curso no cole e por suposto voltamos coas actualizacións do noso caderno de bitácora da biblio.
Desexamos que disfrutedes tanto como o faremos nós.
Un representante da Sociedade Galega de Medio Ambiente (SOGAMA) veu hoxe ás inmediacións de biblioRomán a nos falar sobre a regra dos 3R; e da importancia de separarmos correctamente os residuos, para que estes poidan ser reciclados e minimizar o impacto na natureza das nosas actividades.
 |
| Imaxe tomada de https://feelthebrain.me |
...para seguir mellorando. Pica na categoría que che correponda e deixa as túas respostas. Non che levará máis dun par de minutos.
Outra das datas que sempre enchen o calendario escolar cando a primavera quere estourar é o día das nosas Letras. Unha data para reivindicarmos a importancia da nosa lingua propia e do noso dereito a empregala en todos os ámbitos, amais de para nos achegar a unha figura senlleira da literatura galega.
Este ano foi a quenda de Luísa Villalta e durante practicamente todo o mes fomos desenvolvendo un feixe de actividades para saber da súa vida e da súa obra. Estas foron do máis variado. Velaí van:
Mural en biblioRomán:
Maleta Viaxeira de Poesía (BEGA):
Traballos na aula sobre Luísa Villalta:
Photocall Rosalía de Castro (IESCHA):
https://youtu.be/yMKvYjtIFkE?feature=shared
Mural no pavillón encol da autora homenaxeada:
Imáns para todos os membros da comunidade educativa, coa efixe do mural:
.jpg)
.jpg)
.jpg){kind=link}